„Смрзната“ торта од пудинг и шлаг

За топлите денови нема ништо подобро од ладен десерт кој лесно се подготвува.

За оваа смрзната торта, треба да направите само пудинг и шлаг и да ги споите смесите.

Ќе ви биде предизвик да ја направите и да ја послужите пред гостите кои ќе бидат воодушевени од изгледот и вкусот.

Потребни состојки:

• 115 g меко крем сирење
• ¼ шолја шеќер во прав
• 1 пакетче шлаг пена
• 1 пакетче чоколаден пудинг
• Млеко (колку што е потребно според начинот на подготовка на пудингот од кесичка)
• Околу 18 парчиња орео колачиња, искршени

Начин на подготовка:

Во сад ставете го крем сирењето и шеќерот во прав и миксирајте додека смесата не стане мека.

Направете ја шлаг пената според упатството на кесичката и нежно измешајте со смесата со крем сирењето. Извадете 1 ½ шолја од мешавината и ставете ја во посебен сад да се лади.

Направете го и пудингот според упатството на кесичката и нежно истурете ја смесата во преостанатата смеса со шлагот.

Во калап за печење леб ставете хартија за печење или фолија и истурете ја чоколадната мешавина така што ќе наполните 2/3 од садот.

Наросете одозгора со искршените колачиња врз смесата и нежно распоредете ја мешавината од шлагот врз нив.

Одозгора наросете со преостанатите колачиња, покријте со фолија и ставете да се лади 2 часа.

M. M. | Црнобело