Летен десерт: Вртени кори со чоколадо и малини


Летен десерт: Вртени кори со чоколадо и малини

Колку пати сте посакале чоколадна баклава, но ви било пресложено за да ја зготвите?

leten-desert-vrteni-kori-so-chokolado-i-malini-01.jpg

Овој рецепт е многу блиску до вкусот на баклава, а се подготвува на далеку полесен начин и изгледа многу попримамливо од традиционалниот десерт.

Секој може да се обиде да ги направи овие алтернативни баклави полнети со топено чоколадо и малини на врвот, кои ќе ви станат омилен летен десерт.

Потребни состојки:

  • 20 парчиња кори за баклава
  • 170 g стопен путер
  • 1 шолја шербет
  • 1 ½ шолја чоколадо, стопено
  • 1 ½ шолја сечкани фстаци
  • 1 шолја малини

Начин на подготовка:

Загрејте ја рерната на 170˚С. извадете една кора и целосно премачкајте ја со стопениот путер. Преклопете ја кората на пола (така што страните со путерот ќе се спојат).

Од пошироката страна на кората почнете да ролате тенко стапче/сукало до другиот крај на кората.

Наберете ги двата краја и извадете го стапчето, а од ролната направете кружна форма и ставете на хартија за печење.

Премачкајте ги сите „баклави“ со путер и ставете да се печат 25 минути додека не добијат златно-кафеава боја.

Извадете ги од рерна и веднаш намачкајте ги со шербетот. Во средината наполнете го секој прстен со 1 лажица од стопеното чоколато и наросете од фстаците, а на врвот ставете малина.

Од видеото може да видите целосен начин на подготовка:

М. М. | Црнобело

Би можело да ве интересира:

Десерт на денот: Торта полнета со Нутела Можете ли да одолеете на сочна торта полнета со Нутела, која се топи во уста? ...
Десерт на денот: Летна торта со бисквити, без печење Кога ќе ви се пријаде благо во топлите денови – оваа чоколадна торта со бисквити...
Летен колач без печење, со редени бисквити и праски Овој лесен колач со праски со сигурност ќе ви стане омилен рецепт во чиј вкус ќе...

Најчитани неделава

sonovnik-sidebar.jpg