Колачот „жедна калуѓерка“ ќе ве остави гладни за уште едно парче

Едноставни состојки, брз рецепт без премногу неред во кујната, одличен за ненајавени гости, но и за моментите кога ви се јаде нешто чоколадно.

Колачот со интересно име „жедна калуѓерка“ има уште поинтересен вкус, а доколку се сомневате, одвојте сосема малку време да го направите и вкусите за да се уверите во неговиот божествено добар вкус.

Што ви е потребно?

За тесто:

• 6 јајца
• 1 ¼ шолја шеќер
• 1 ½ брашно
• 1 ќесичка прашок за печиво
• 1-2 лажички екстракт од ванила

За прелив:

• 1 шолја вода
• 1 шолја шеќер
• 125 g путер
• 3 супени лажици какао

Начин на подготовка:

1. Изматете го шеќерот со јајцата и додајте го брашното просеано, заедно со прашокот за печиво и екстрактот од ванила.

2. Добро измешајте ја смесата, поставете хартија за печење и истурете ја во правоаголен плех.

3. Оставете да се испече во загреана рерна на 200˚С, додека не зарумени.

4. Испечениот колач оставете го добро да се олади.

5. Измешајте ги шеќерот, водата, путерот и откако ќе се згреат доволно, додадете го какаото. Оставете да проврие, со непрестајно матење.

6. Истурете ја чоколадната смеса врз онаа од тесто и почекајте добро да се излади.

7. Исечете го во форма каква што сакате и декорирајте го парчето по желба.

(О)Милена | Црнобело