Две лесни пудинг торти кои се топат во уста

Не сите може да се пофалат дека се експерти во готвењето, но тоа не значи дека не може да направат вкусен десерт.

Најлесни рецепти најчесто се оние со пудинг, а во продолжение ви нудиме 2 такви десерта, едниот со печење, другиот без.

Разгледајте ги добро и одлучете се кој повеќе ви лежи, но кога ќе ги видите сликите, ќе посакате да ги пробате двете кои се топат во уста.

Чоколадна пудинг торта

Потребни состојки:

• 250 ml млеко
• 60 g шеќер
• 15 g какао во прав
• 5 g нишесте
• 2 листа желатин

Начин на подготовка:

Омекнете ги листовите желатин во ладна вода 5 минути. Ставете во тава 200 ml млеко, шеќерот и какаото на средна топлина.

Измешајте го остатокот од млекото со нишестето и истурете го во тавата со останатите состојки.

Оставете мешавината да се загрее додека не почне да врие, а потоа тргнете го тавчето од огат и додадете го желатинот.

Измешајте ја смесата добро со помош на блендер и истурете во калап. Оставете да отстои во фрижидер најмалку 3 часа.

Превртете го калапот на рамна чинија, па декорирајте со шлаг и трошки чоколадо.

Торта со кокос

Потребни состојки за смеса:

• 500 ml обезмастено млеко
• 4 јајца
• Кокосово брашно (количина по вкус)
• 2 лажици кафеав шеќер
• 3 g стевија

Потребни состојки за карамел:

• 50 g кафеав шеќер
• 2 лажици вода

Начин на подготовка:

За да го направите карамелот, измешајте го кафеавиот шеќер со водата во нелеплива тава на ниска температура.

Кога ќе биде готово, истурете го на дното на калапот кој ќе го користите за готвење.

Искршете ги јајцата во друг сад и изматете ги заедно со засладувачите, па додадете го кокосот.

Потоа додавајте млеко малку по малку додека не добиете совршена смеса.

Истурете ја смесата во калапот врз карамелот, потоа ставете го калапот во тава со вода и ставете да се пече 40-45 минути на 200˚С.

М. М. | Црнобело