Брз викенд ручек: Солени бомбици од пилешко во сос

Ако преферирате пилешко месо и го обожавате во секакви комбинации, време е да ги пробате овие солени бомбици.

Пилешко месо со малку сланина, потопено во сос е идеален ручек, а за уште побогат вкус, може да ги комбинирате со тестенини.

Тешко дека некој ќе одолее на овие мини бомбици од пилешко месо, а вреди да ги пробаат и оние понеискусните во кујна.

Набавете ги потребните состојки и покажете ги кулинарските вештини.

Потребни состојки

За бомбици:

• 1 лажица маслиново масло
• 1 кромид, сечкан на коцки
• 1 чешне лук
• 280 g пилешко месо (блендирано) 
• ¼ шолја сланина, сечкана ситно
• Сол и бибер
• 1 јајце
• 1 парче леб, изронето
• ½ шолја лебни трошки

За сос:

• 1 лажица путер
• 1 лажица брашно
• 1 ½ шолја  павлака за готвење/хопла
• Рендана кора од 1 лимон
• 2 лажици магдонос, ситно сечкан

Начин на подготовка:

Ставете маслиново масло во тавче на средно загреана рингла и запржете ги малку кромидот и лукот додека не добијат златеста боја, а потоа тргнете ги од оган.

Во сад, ставете го пилешкото, сланината, сол и бибер и мешајте додека не се соедини смесата. Потоа додадете ги кромидот, лукот, јајцето, лебот и лебните трошки и соединете ја смесата.

Од смесата обликувајте мали топчиња и ставајте ги во тавче со малку маслинов зејтин. Кога ќе фатат боја, тргнете ги настрана.

Во истото тавче, стопете го путерот, додадете брашно и мешајте додека се растопи. Потоа додадете ја хоплата, лимоновата кора, сол, бибер и гответе додека не стане кремаста смесата.

Додадете ги топчињата, наросете со магдонос и сервирајте ги со тестенини или со друго јадење по желба.

" data-width="630" data-show-text="false">

Chicken Meatballs

Cooked in a creamy lemon sauce, you'll love the taste of these 'balls. Full Recipe: taste.md/2zzMqgz ?: Tastemade Brasil

Posted by Tastemade on Tuesday, 14 November 2017