Сладок намаз со вкус на Божиќ кој ќе го обожавате

Ова е времето од годината кога особено многу ги сакаме рецептите со мирис и вкус на цимет, каранфилче, ѓумбир, тиква.

За вас го имаме совршениот рецепт за намаз кој може да се мачка на лепче, палачинки или едноставно да си сркнете лажиче кога и да почувствувате потреба за нешто слатко.

Со суптилен вкус на ѓумбир, ова е рецептот кој во себе го носи божиќниот дух и целата декемвриско-јануарска магија:

Потребни состојки

• 300 gr кекси со ѓумбир (Speculas)
• 100 gr путер
• 20 gr мед
• 1 лажичка арома од ванила
• 100 ml млеко

Начин на подготовка:

1. Издробете ги кексите и префрлете ги во блендер. Добро иситнете ги додека не се претворат во прав. Потребно е да добиете фина, ситна смеса која личи на мелена Плазма.

2. На средна температура стопете го путерот додадете го медот, аромата од ванила и млекото и варете додека не се соединат сите наведени состојки.

3. Додадете ја смесата во блендерот заедно со кексите. Текстурата треба да биде мазна, како крем или намаз од кикиритки.

4. Доколку ви е премногу густа, додадете уште малку млеко, а доколку пак сметате дека е ретка, додадете уште малку мелени кекси.

* Овој намаз, освен што е сладок, претставува и одличен подарок. Едноставно спакувајте го во чиста тегличка, украсете ја, и подарете ја некому кој обожава слатко, направено од срце со многу љубов.

(О)Милена | Црнобело