Баклава која може да ја направите сами, без помош од „постарите домаќинки“

Традиционален десерт кој сите го обожаваат, а ретко кој успева и се нафаќа да го направи.

Овој рецепт за баклава е веројатно еден од најлесните, а ќе успеат да го подготват дури и оние кои не се вешти во кујната и немаат многу искуство зад себе.

Изненадете ги најблиските со вкусна и сочна баклава, за која нема да има потреба да барате помош од „постарите домаќинки“ во семејството.

Направете си го омилениот десерт сами во било кое време – баклава која се топи во уста:

Потребни состојки:

• Кори за баклава
• 2 стапчиња
• 500 g шеќер (за шербет)
• 250 ml вода (за шербет)
• Цимет (за шербет)
• 2 лажици сок од лимон (за шербет)
• Една кора од лимон (за шербет)
• Каранфилче (за шербет)
• 100 g ф’стаци
• 100 g ореви
• 100 g бадеми
• 300 g путер (за премачкување кори)

Начин на подготовка:

Во тенџере ставете ги водата, шеќерот, циметот, лимонот и каранфилчето и ставете да се вари, а потоа оставете го шербетот да се излади.

Исечкајте ги или смелете ги јаткастите плодови. Редете по 3 кори една врз друга и на секоја од нив премачкувајте или пропрскувајте со стопениот путер.

На најгорната кора, наредете ги смелените јаткасти плодови. На средината поставете ги двете стапчиња, свиткајте ги корите на половина и потоа сролајте ги околу стапчињата. Направете набори и извадете ги стапчињата.

Наредете ги ролните во плех, премачкајте ги со путер, исечете ги на пола и печете 70 минути на 160˚С. Истурете го шербетот одозгора и натопете ги добро сите ролни, па оставете да отстои така.

Декорирајте со рендана кора од лимон и мелени ореви и уживајте во вкусот.

Погледнете ја целата постапка на видеото:

" data-width="630" data-show-text="false">

Rotolini di baklava: il dolce turco che vi farà letteralmente venire l'acquolina in bocca!

Oggi voliamo in Turchia, alla scoperta di un dolce unico che ha conquistato il mondo intero. State a guardare :)

Posted by Cucina Fanpage on Sunday, 3 February 2019