3 идеи за нови појадоци од состојки кои веќе ги имате во фрижидер
Зошто да не се обидете да одвоите малку време и да ги изненадите најблиските со вкусен појадок подготвен со секојдневни состојки, но на нов начин?
Наместо да јадете обично лепче со намаз, салама и кашкавал, направете вкусни печени ролати или сендвичи од кои ќе се топи кашкавал.
Нема да потрошите многу повеќе состојки од вообичаено, а задоволството ќе биде преголемо кога сите ќе го видат резултатот.
Денот најдобро започнува со вкусен појадок, па одвојте малку време наутро и усреќете ги најблиските со некој од овие 3 рецепти...
1. Мини ролат од леб
Потребни состојки:
- 12 парчиња тост леб
- 6 парчиња кашкавал
- 6 парчиња салама по избор
- 75g путер
- 2 лажици сенф
- 2 лажици мед
- 1 лажичка балсамико
- 1 лажичка сусам
Начин на подготовка:
Преклопете две срединки од леб и со сукало спојте ги и издолжете ги. Одозгора ставете парче кашкавал и салама и сролајте ги. Од ролната исечете 4 парчиња и наредете во плех за печење.
Во тавче стопете го путерот, додадете ги сенфот и медот, а потоа и балсамико, оставете една минута и тргнете од оган.
Смесата полека истурајте ја врз ролните, наросете сусам и ставете да се печат во загреана рерна на 180˚С околу 20 минути.
Целосна видео постапка изгледајте тука.
2. Сендвичи потопени во сос
Потребни состојки:
За сос:
- 25g путер
- 25g брашно
- 500ml топло млеко
- Сол, оригано, бибер
За сендвичи:
- 8 сендвич лепчиња
- 12 парчиња кашкавал
- 8 парчиња салама
- 2 тенко сечени домати
- ½ шолја рендан пармезан
- Зачини за вкус
Начин на подготовка:
Во тавче стопете го путерот и додадете го брашното. Мешајте полека, а кога ќе се појават меурчиња, постепено додавајте го млекото. Оставете сосот да се згусне и зачинете, па тргнете од оган.
Исечете ги сендвич лепчињата на пола и долните делови наредете ги во сад за печење. Одозгора наредете ги парчињата кашкавал, салама и домати и истурете тенок слој од сосот одозгора, па затворете ги лепчињата со горниот дел.
Одозгора истурете го преостанатиот дел од сосот и наросете со пармезан. Печете на претходно загреана рерна на 180˚С околу 15 минути.
Целата постапка погледнете ја во видеото:
Esse simples e prático BAURUZINHO na travessa é o motivo perfeito para convidar os seus amigos em casa!
Posted by Tastemade Brasil on Monday, 14 January 20193. Мини француски лиснати со сланина
Потребни состојки:
- 200g сланина, сечкана на мали коцки
- ½ шолја млеко
- ½ шолја вода
- 4 лажици путер
- Прстофат сол
- 1 ¼ шолја брашно
- 3 изматени јајца
- 1 шолја рендан кашкавал
- Магдонос, ситно сечкан
- ½ шолја пармезан
Начин на подготовка:
Во едно тавче запржете ја сланината додека не стане крцкава и тргнете ја на страна. Во друго тавче, ставете ги млекото, водата, путерот и солта.
Кога смесата ќе почне да врие, додадете го одеднаш брашното и измешајте добро со дрвена лажица додека се соедини.
Додавајте ги постепено матените јајца и соединете ја смесата. Потоа додадете го ренданиот кашкавал, сланината и магдоносот. Измешајте ја смесата добро и ставете ја во шприц (или имрповизиран шприц).
Формирајте топчиња врз хартија за печење поставена во плех и со мокар прст нежно притиснете го врвот. Наосете го пармезанот и печете во претходно загреана рерна на 200˚С околу 15 минути. Потоа намалете ја температурата на 180˚С и печете уште 15 минути.
Целосната постапка погледнете ја во видеото:
https://www.youtube.com/watch?v=J4ZZ1FDNbrs
М. М. | Црнобело
Би можело да ве интересира:
