Чоколадна торта со фил кој се топи во уста

Има денови кога едноставно не се грижиме за калориите, а оваа торта дефинитивно ќе ве предизвика денес да биде тој ден.

Чоколадна торта полна со фил кој се топи во уста е нашиот омилен десерт за викендов.

Прочитајте ја постапката, изгледајте го видеото и веднаш влезете во кујна – нема да зажалите.  

Потребни состојки:

За тесто:

• 9 белки
• 9 жолчки
• ¾ шолја шеќер
• 1 шолја бело брашно
• 4 лажици какао
• 1 лажица прашок за печиво

За фил:

• 2 конзерви кондензирано млеко
• 2 лажици путер
• 2 лажици какао
• 200g павлака за готвење
• 400g јагоди, пресечени на пола
• 2 шолји чоколадна глазура

Начин на подготовка:

Изматете ги со миксер само белките, а кога добро ќе се изматат, додадете ги жолчките и продолжете да мешате.

Додадете го шеќерот и повторно добро измешајте. Додадете ги брашното и какаото и соединете ја смесата.

Истурете ја смесата во калап со дно кое се отстранува, претходно намачкано со путер и малку брашно.

Ставете да се пече во претходно загреана рерна на 180˚С околу 30 минути.

Во тавче на тивок оган ставете ги кондензираното млеко, путерот и какаото. Мешајте постојано додека смесата не почне сама да се одвојува од страничните ѕидови.

Додадете ја павлаката за готвење и оставете го тавчето уште малку на тивок оган, со постојано мешање додека смесата не се соедини.

Пресечете го горниот дел од тортата и извадете го тестото од внатрешноста, така што ќе останат само дното и страничните ѕидови, како и горниот дел што ќе служи како капак.

Измешајте ги јагодите во веќе изладениот фил и истурете го во тортата. Поктијте со горниот дел од тортата и оставете во фрижидер 1 час.

Прелијте ја тортата со чоколадна глазура и сервирајте.

Целосната постапка погледнете ја во видеото:

" data-width="630" data-show-text="false">

Bolo Bombom de Brigadeiro

Quem resiste a um delicioso BOLO DE CHOCOLATE recheado com BRIGADEIRO e MORANGO? ??

Posted by Tastemade Brasil on Thursday, 29 November 2018