Брзо мезе за ненајавени гости - палачинки со рендани тиквички

Тиквичката е еден од најомилените летни зеленчуци. Лесна, вкусна, содржи малку калории, а одлично се вклопува во предјадења, главни јадења, супи и салати.

Практично сè може да направите со тиквички. Нашиот предлог овој пат е брз рецепт за појадок, ручек или мезе за ненајавени гости.

Потребни состојки:

• 2 тиквички (околу 650 gr.)
• 1 лажичка сол
• 2 јајца
• 100 gr. Брашно
• 3 лажици овесни снегулки
• ½ лажичка сол
• ¼ лажичка црвен пипер
• Маслиново масло
• 200 gr. кисела павлака
• 2-3 кисели краставички
• Семки од тиква
• 1 лимон

Начин на подготовка:

1. Изрендајте ги тиквичките во подлабок сад. Посолете ги и оставете ги да отстојат 10 минути. Исцедете го вишокот вода од нив.

2. Додадете ги јајцата, брашното, овесните снегулки, црвениот пипер, сол и бибер по вкус. Добро измешајте ја смесата.

3. Намачкајте ја тавата со маслиново масло и обликувајте мали палачинки од смесата. Пржете на средна температура додека добро не заруменат.

4. Подгответе го сосот од павлака, рендани кисели краставички и црн бибер. Потпечете ги семките од тиква на тивок оган.

5. Послужете ги палачинките со подготвениот бел сос. По желба врз нив може да додадете цеден лимон и потпечени семки од тиква.

(О)Милена | Црнобело