Ќе излижете прсти - Летни кесадиљи со салца од домати

Во овој период од годината самата помисла на готвење ни предизвикува мачнотија. Гледаме да поминеме што е можно помалку време во кујната без дополнително да го вжештиме домот.

Доколку сакате да јадете нешто вкусно и здраво без да потрошите часови и часови над шпоретот и да го употребите главниот, летен адут – доматите, време е за кесадиљи:

Потребни состојки:

За салцата од домати

• 2 лажици маслиново масло
• ½ шолја ситно сечкан млад кромид
• 1 сечкана црвена блага пиперка
• 1 лажица ситно сечкан лук
• Малку ситно сечкана лута пиперка
• 4 шолји ситно сечкани зрели домати
• Сок од све лимети, плус ренданата кора
• 2 лажици кафеав шеќер
• 3 лажици сечкан магдонос
• Сол и црн пипер

За кесадиљите:

• 2 шолји зготвено пилешко месо, мисиркино или говедско, сечкано на ситни парченца
• ½ шолја печурки или пченка (или пак зелен зеленчук по избор, како грашок, боранија, брокула)
• 8 големи тортиљи
• 2 шолји рендан кашкавал по желба кој добро се топи

Начин на подготовка:

1. Измешајте ги сите наведени состојки за салцата со домати во подлабок сад. Покријте ја салцата и оставете да се маринира неколку часа. Може да ја направите дури и неколку дена порано и да ја чувате во фрижидер, секако нема да се расипе. Пред послужување извадете ја неколку минути на собна температура.

2. Измешајте го пилешкото месо (или некое друго од наведените по избор) заедно со пченката, печурките или зелениот зеленчук.

3. На загреано тавче подмачкано со маслиново масло на средна температура поставете една тортиља. Ставете малку од ренданиот кашкавал, па малку од смесата со месо и заленчук и повторно малку рендан кашкавал.

4. Покријте со уште една тортиља и со шпатула нежно притискајте ја во тавчето, сè додека не порумени.

5. Внимателно превртете ја од другата страна и печете додека не се вцрвени. Откако кесадиљата ќе се испече, префрлете ја на штица за сечење и исечете ја на осмини.

6. Послужете со салцата од домати.

 (О) Милена | Црнобело