Домашен сладолед од кајсии готов за 5 минути

Во топлите летни денови важно е доволно да се хидрирате, а што е повкусно и посвежо од домашен сладолед? 

За здравствените придобивки на кајсиите не треба ни да се зборува. Покрај тоа што освежуваат, полни се со витамини и минерали.

Па, во летните денови, искористете го изобилството на кајсии и направете си домашен сладолед од нив, наместо да оставите да скапуваат. 

За подготовката не ви требаат повеќе од 5-10 минути, а ќе уживате во слаткото задоволство. 

Ќе ви бидат потребни следните состојки:

• 450 g свежи, зрели кајсии
• 120 ml вода
• 100 g шеќер
• 250 ml слатка павлака
• 1/2 лажица екстракт од ванила
• Неколку капки свеж сок од лимон

Начин на подготовка:

Извадете ги семките од кајсиите и исечете ги кајсиите на шест парчиња. Ставете ги во тенџере, додадете половина чаша вода и ставете ги на оган додека водата да зоврие.

Покријте го тенџерето и оставете ги кајсиите да стојат во жешката вода околу десет минути, мешајќи повремено, додека не омекнат.

Оставете ги кајсиите да се изладат, а потоа ставете ги во блендер и мешајте додека не добиете изедначена смеса.

Павлаката измешајте ја со шеќерот, додека не добиете густа смеса, потоа додадете екстракт од ванила, неколку капки сок од лимон, и на крај додадете ја смесата од кајсиите.

Мешајте во блендер или со миксер, додека не добиете мазна, изедначена смеса.

Ставете ја смесата во замрзнувач и сервирајте по желба. 

Ашера | Црнобело