Посна, здрава торта со темно чоколадо и банани
Спонзорирано од:
Спонзорирано од ОгласиЗаРабота.мк
Возач 09-07-2020


Посна, здрава торта со темно чоколадо и банани

Вкусна и здрава торта која се подготвува неверојатно брзо. Идеален десерт за сите оние коишто постат, како и за сите вегани или вегетаријанци.

Posna-zdrava-torta-so-temno-chokolado-i-banani-01.jpg

Оваа торта ќе ви стане омилена, бидејќи е одличен избор за сите што сакаат да се хранат здраво.

Потребни состојки:

  • 15 суви урми
  • 250 g бадеми
  • 1/3 шолја соино, бадемово или овесно млеко
  • 170 g темно чоколадо
  • 2 банани

Posna-zdrava-torta-so-temno-chokolado-i-banani (4).jpg

Начин на подготовка:

1. Подгответе го тавчето за печење, подмачкувајќи го со тенок слој кокосово масло (правоаголен плех со димензии 35×12 или пак округло тавче за печење во пречник од 22 cm).

2. Исчистените урми ставете ги во блендер, додадете 200 g бадеми и блендирајте сè додека смесата не стане мазна (сепак, нормално е да ви останат мали, ситни парченца бадем со смесата).

3. Натапкајте ја смесата рамномерно на дното од плехот и по рабовите.

4. Чоколадото на ситни парченца ставете го во подлабок сад, а загреаното млеко кое веќе зоврело претходно истурете го врз чоколадото и мешајте додека не добиете убава смеса.

5. Истурете ја врз подготвеното „тесто“ од урми и оставете добро да се олади. На крајот врз чоколадниот слој ставете исечкана банана.

6. Може дополнително да ја украсите тортата со останатите 50 g бадеми кои крупно ќе ги исечкате или со уште малку течно чоколадо врз бананите, по сопствена желба.

7. Оставете ја тортата во фрижидерот да се стегне околу 1 час пред да ја послужите.

Posna-zdrava-torta-so-temno-chokolado-i-banani (1).jpg

(О)Милена | Црнобело

Би можело да ве интересира:

3 рецепти за брзи, посни колачиња Иако во наредниот период ќе бидеме малку ограничени со состојките за рецептите к...
Шарени летни ролати од тортиља за кои не ви треба печење Доколку веќе немате идеја што да зготвите, а притоа да не вклучувате рерна, врем...
Брза торта со крем банани за секоја пригода Ги знаете оние рецепти кои се совршени, ама баш за секоја прилика? Ова е еден од...