Чоколадно семифредо со лешници и малини - неодоливо слатко задоволство

Дали сте пробале чоколадно семифредо досега? Потсетува на пудинг и сладолед во едно, а кога ќе додадете лешници и малини добивате неверојатно слатко задоволство.

Внимателно следете ги чекорите од рецептот и ќе добиете врвно гастрономско уживање, десерт кој сите добро ќе го запаметат:

Потребни состојки:

• 600 ml слатка павлака
• 200 gr квалитетно црно чоколадо
• 3 жолчки
• 1 јајце
• 155 gr шеќер
• 75 gr лешници, грубо исечкан
• 150 gr малини (и уште малку за сервирање)
• 50 gr млечно чоколадо за прелив

Начин на подготовка:

1. Обложете го садот (со димензии 8×23 cm) со проѕирна фолија од внатрешната страна опфаќајќи ги целосно и краевите (фолијата слободно нека излегува од нив).

2. На ниска температура помешајте ја павлаката со темното чоколадо околу 5 минути додека истото не се стопи и смесата не стане мазна. Тргнете ја 15 минути на страна, а потоа уште 30 минути во фрижидерот да се олади.

3. Со миксер изматете ги трите жолчки, јајцето и шеќерот околу 2 минути додека смесата не стане пенеста. Продолжете да ја готвите на пареа околу 8 минути додека кремот не стане густ и блед. Тргнете го од пареата и продолжете со матење уште 2 минути или додека не се олади.

4. Внимателно додадете ја чоколадната смеса во кремот од јајца и шеќер. Додадете ги и лешниците и малините и промешајте. Истурете ја подготвената смеса во претходно обложеното тавче со пластична фолија и ставете го во замрзнувач околу 6 часа.

5. По 6 часа извадете го чоколадното семифредо од замрзнувач и поставете го на чинија. Декорирајте со стопено млечно чоколади и малини.

(О)Милена | Црнобело