Рецепт на денот: брз пица-ролат со готови кори


Рецепт на денот: брз пица-ролат со готови кори

Дури и да не сте највештиот човек во кујната лесно може да подготвите пица со готови кори. Доколку ви е здодеано обичното тесто, готовите кори се одлична замена, а вкусот е неверојатен.

Brza-rolat-pica-so-gotovi-kori-01.jpg

Одличен домашен деликатес за појадок, ручек или вечера, еве како може да направите ролована пица со готови кори:

Потребни состојки:

  • 500 g готови кори за пита
  • 2 мали павлаки
  • Кечап или доматен сос
  • Пилешка или свинска шунка (по избор)
  • 150-200 g кашкавал
  • 400 g печурки
  • 2 јајца
  • 2 лажици масло за готвење
  • Малку оригано и сол

Начин на подготовка:

1. Корите поделете ги на половина, бидејќи се подготвуваат 2 ролата. Секоја кора се премачкува со дел од состојките и се редат една врз друга.

2. Помешајте ги јајцата со маслото и додадете малку сол.

3. Првата кора се премачкува со ½ павлака.

4. Втората кора ја премачкувате со кечап и оригано.

5. Третата кора се премачкува со мешавината од јајца и масло.

6. На четвртата кора нанесувате шунка.

7. На петтата кора нанесувате парчиња кашкавал.

8. Шестата кора е резервирана за сечканите печурки.

9. Последната, седма кора ја премачкувате со преостаната ½ павлака и уште малку кечап.

10. Вака наредените кори внимателно ги виткате во ролат, наросувате оригано и печете во загреана рерна на 180 степени, додека не зарумени.

* Истата процедура се однесува и на втората половина од корите.

** По вкус може да додадете и кисели краставички или маслинки во некоја од корите, на пример заедно со кашкавалот.

Brza-rolat-pica-so-gotovi-kori (1).jpg

Brza-rolat-pica-so-gotovi-kori (2).jpg

(О)Милена | Црнобело

Би можело да ве интересира:

Рецепт за почетници: Чоколадна торта без брашно Ако сакате чоколадни десерти, а сметате дека не сте доволно вешти во кујната, ве...
Ролат од компир пире со вкус на пица Мора да признаеме дека со тек на време одлуката за тоа што да се прави за ручек ...
Здрав ручек: Кремасто пилешко со лук и шарена салата со 3 вида мешунки Дали сте расположени за здрав оброк кој се подготвува брзо и лесно? Речиси и не ...

Најчитани неделава