Брза зимница без конзерванси – пиперки во сенф

Можеби на прв поглед ќе ви звучи необично, но пиперките во сенф се неверојатен зимски деликатес кој ќе ја замени здодевната зимница.

Најважното е што се подготвува брзо и лесно, не содржи конзерванси, одлична зимница за мезе, но и како додаток во многу јадења.

Потребни состојки:

• 30 пиперки (црвени и зелени, по избор)
• 5 главици лук
• 5 главици кромид со средна големина
• 250 ml јаболков оцет
• 250 ml вода
• 3 лажици шеќер
• 2 лажици сол
• 600 g сенф
• 20 ml масло

Начин на подготовка:

1. Исечкајте ги пиперките на ситни парченца, заедно со лукот и кромидот.

2. На тивок оган помешајте го јаболковиот оцет, водата, солта и шеќерот. Кога ќе се стопат солта и шеќерот додадете го сечканиот зеленчук и оставете да се обари додека не омекне, околу 10 минути. Процедете и оставете го околу 3 часа добро да се доцеди од течноста и да се олади.

3. Помешајте го сенфот и маслото и добро соединете ги со исцедениот зеленчук.

4. Наполнете ги претходно стерилизираните тегли и чувајте ја зимницата на ладно, суво и темно место.

(О)Милена | Црнобело