Совршено меки, посни кифлички

Испробајте го овој рецепт за посни кифлички и ќе бидете воодушевени од тоа колку се меки и вкусни, а се правени исклучиво со вода.

Идеални се за деновите кога постите, но и за прославите на кои очекувате гости кои постат.

Потребни состојки:

• 400ml млака вода
• 1 лажичка шеќер
• 1 лажичка куркума
• 2 лажички сол
• 1 лажичка оцет
• 20g свеж квасец
• 700-750g брашно
• 10g прашок за печиво

За премачкување:

• 100ml вода
• 1 лажица брашно
• Малку сол

Подготовка:

Измешајте го квасецот со шеќерот и малку вода. Додајте ја куркумата, остатокот од водата и оцетот.

Половина од брашното измешајте го со сол и прашок за печиво. Замесете тесто од двете смеси и додавајте ја останатата половина од брашното постепено.

Нека отстои 30 минути.

Размесете го тестото, исечете триаголници и формирајте кифлички. Оставете ги да нараснат во тепсија, додека рерната се загрева на 200 степени.

Сварете ја водата за премачкување и додајте го брашното со солта. Премачкајте ги додека водата е жешка, па печете околу 30 минути.

Откако ќе се испечат покријте ги со крпа.

М. Д. | Црнобело