Новогодишна елка од сирење и кашкавал - 18 идеи за декорирање

Дали сте подготвени за испробување вкусни и неверојатно симпатични рецепти кои ќе ги развеселат сите околу вас во овој празничен период? 

Го имаме врвниот деликатес скроен за сите гурмани, оние што обожаваат мезиња и млечни производи – новогодишна елка од сирење и кашкавал.

Ќе посакате да ја направите уште денес.

Потребни состојки:

• 225 g крем-сирење
• 450 g рендан чедар (или друг кашкавал)
• 2 лажици ситно изрендан кромид
• ½ лажичка сенф
• 5-6 капки црвен сос (благ или лут, по желба)

За декорација:

• Сечкан свеж магдонос
• ½ шолја пињоли (или пченка од конзерва)
• Сечкана црвена и зелена пиперка
• Крекери 
• Намирници по желба 

Начин на подготовка:

1. Измешајте го крем сирењето заедно со чедарот, кромидот, сенфот, црвениот сос, додека добро не се соединат. Ставете ја смесата во фрижидер добро да се стегне.

2. Обликувајте ја како конус, односно во форма на новогодишна елка. Обложете ја со свеж магдонос, наредете ги „лампионите“ – пињоли или конзервирана пченка и додадете сечкана црвена и зелена пиперка како декорација или други додатоци по желба и импровизација. 

3. Од едно поголемо парче чедар може да сe обидете да направите и мала ѕвезда за врвот на вашата елка од сирење и кашкавал. Послужете со крекери и уживајте во мацкањето.

Уште идеи како може да ја декорирате солената „новогодишна елка“ за празничната трпеза:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

(О)Милена | Црнобело