Новогодишно мезе: Солени, полнети елки

Мини елкички полнети со пилешко и зеленчук – идеално мезе за новогодишните собиранки со друштво и семејство.

Наместо да правите обични бурита, влезете во новогодишно расположение и бидете креативни во кујна.

Овие мини елкички се прават многу лесно, а совршено ќе се вклопат во празничната трпеза.

Потребни состојки:

• 1 лажица масло
• 1 кромид, сечкани на ленти
• 2 шолји пиперки во различни бои, сечкани на ленти
• 2 чешниња лук, ситно сечкан
• Зачини по вкус
• 115g доматен сос
• Тортиљи
• 30g брашно
• 60ml вода
• Маслиново масло
• Песто за премачкување

Начин на подготовка:

Во тава загрејте го маслото и додадете го кромидот, пиперките и на крај лукот. Гответе додека не омекнат. Додадете го пилешкото, зачинот и доматниот сос. Загрејте ги сите состојки и соединете ја смесата.

Загрејте ја рерната на 180˚С. Во мал сад измешајте ги брашното и водата. Исечете ги тортиљите на пола. Намачкајте тенок слој од брашното и водата на третина од исечената тортиља. Преклопете и направете конус. Повторете со сите тортиљи.

Наполнете го секој корнет со миксот од пилешко и зеленчук и залепете го со мешавината од брашно и вода. Наредете ги на хартија за печење и премачкајте ги со масло. Печете 25 минути.

Ставете по две на стапчиња за ражничи и премачкајте со песто.

М. М. | Црнобело