3 десерти со новогодишни мотиви за празничните собиранки

Ако сте од оние на кои ниту една собиранка не им поминува без десерт, празниците се идеален период да покажете креативност.

Овие десерти со новогодишни мотиви се подготвуваат многу лесно, а секогаш ќе ве покажат во одлично „домаќинско“ светло.

Одберете си омилен десерт или направете си ги сите за собиранките:

Чоколадо со ирваси

Потребни состојки:

• топено бело чоколадо и црно, млечно чоколадо
• перечиња за рогови
• бели бонбони и малку топено чоколадо капнато во средина (за зеница на очите)
• Црвени бонбони за нос
• Соленки за раце и нос
• Други декорации по желба за формирање ирваси, снешковци и слично

Начин на подготовка:

Истурете ги топените чоколади на хартија за печење, наредете ги сите декорации, оставете да се излади, па исечете на парчиња.

Чоколадни елки

Потребни состојки:

• Корнети за сладолед
• Бонбони во различни бои
• Стопено чоколадо
• Бисквит вафли

Начин на подготовка:

Наполнете една чаша до пола со бонбони и одозгора ставете корнет. Наполнете го корнетот со бонбони до горе, а од страните на отворот намачкајте топено чоколадо и поклопете со бисквити (1-2 зависи од дебелината).

Наредете ги корнетите свртени со бисквитот на дното на решетка и одозгора истурете им стопено чоколадо. Наросете ги со јадливи украси и чоколадни трошки.

Чоколадни шишарки

Потребни состојки:

• 150g топено чоколадо
• 100г карамел
• 50g путер
• 50г путер од кикирики

Начин на подготовка:

Измешајте ги сите состојки додека не се соедини смесата. Оставете да се олади, па со рака оформете топче, а потоа издолжете го во форма на конус. На конусот редете чоколаден корнфлекс со отворите свртени према нагоре.

M. M. | Црнобело