Сладок рецепт кој мора да го пробате ако обожавате палачинки

Kaiserschmarrn е традиционален австриски десерт кој многу потсетува на палачинките, но сепак е нешто полесна и покрцкава верзија.

Се подготвува со рум, се карамелизира и се служи со домашни џемови.

За подготовка ви требаат максимум 20-тина минути.

Потребни состојки:

• 3 големи јајца
• 6 лажици путер
• 1 лажица екстракт од ванила
• 4 лажици шеќер
• 120g брашно
• 240ml млеко
• 50g суво грозје
• 3 лажици рум
• 250g сос од јаболка или џем по избор

Подготовка:

Во мал сад помешајте го грозјето со румот. Потоа трите белки изматете ги во цврст шлаг, а трите жолчки помешајте ги со 3 лажици стопен путер, екстракт од ванила и 2 лажици шеќер.

Во смесата со жолчките додадете млеко, а потоа и брашното, па полека мешајте.

Во смесата додадете ги и изматените белки, промешајте, па на подлабоко тавче ставете 1 лажица путер и ставете го тестото.

По 3 минути додадете го исцеденото грозје од румот и печете додека палачинката не добие златесто жолта боја од долната страна.

Раздвојте ја палачинката на мали парчиња со помош на шпатула и допечете уште 4-5 минути, полека додавајќи ги двете лажици путер кој ви останаа и двете лажици шеќер.

Сервирајте во голема чинија, врз парчињата палачинка наросете шеќер во прав и сервирајте со сос од јаболка или џем по избор.

М. Д. | Црнобело