3 супер совети за крцкави печени компирчиња како во ресторан

Печениот компир во рерна лесно може да биде прав деликатес, но може и да заврши како мрсен и невкусен прилог.

Па, како да не ги направите трите најчести грешки?

Совети од искусните домаќинки за крцкави печени компирчиња, како во ресторан:

1. Компирот секогаш треба кратко да го сварите, па потоа да го ставите на печење.

Излупете ги компирите и исечете ги на парчиња, па потоа проварете ги во вода во која ќе ставите малку сода бикарбона.

Исцедете во метална цедалка, па потоа преминете на следниот чекор.

2. Компирот треба да се пече раширен во голема тава

Основната грешка е да го натрупате тавчето со компир, па да потурите масло одозгора.

Кратко сварениот компир треба да го помешате со масло и билки по желба, па дури потоа внимателно да го распоредите во тавата, така што ќе има доволно простор да се испече од сите страни.

3. Внимателно со мешањето

Бидејќи компирот се пече барем 30 минути и тоа на температура помеѓу 200 и 220 степени, неопходно е да го проверувате на 10-тина минути.

Притоа, внимателно промешајте и превртете го, а добро е и превртувањето да го направите со протресување на тавчето.

М. Д. | Црнобело