Здрава и сурова Фереро Роше торта без печење

Доколку сте обожавател на познатиот десерт во облик на вкусни чоколадни топчиња Фереро Роше, сигурно ќе ви се допадне овој рецепт. 

Предностите: се подготвува брзо и лесно, но најдоброто од сè е што станува збор за здрава варијанта на сурова храна, без печење.

Како да си направите домашна, здрава Фереро Роше тортичка?

Потребни состојки – за бисквитот:

• 200 g печени лешници
• 4 лажици кокосово масло
• 4 лажици јаворов сируп
• 1 лажичка ванилин шеќер
• 80 g какао во прав
• Прстофат сол

Потребни состојки – за кремот:

• 200 g индиски ореви
• ½ шолја вода
• 4 лажици кокосово масло
• ½ лажичка екстракт од ванила
• 3 лажици јаворов сируп
• 50 g какао во прав
• Прстофат сол

Начин на подготовка - бисквит:

1. Потпечете ги лешниците на 150 степени околу 15 минути, а потоа излупете доколку е потребно.

2. Префрлете ги во блендер, а потоа додадете ванилин шеќер, јаворов сируп и кокосово масло и продолжете со блендирање.

3. Додадете го и какаото и продолжете со мешање додека не се формира леплива смеса.

4. Смесата префрлете ја во кружен калап за торта со пречник од 25 cm и добро распоредете ја со благо притискање.

Начин на подготовка - крем:

1. Индиските оревчиња оставете ги преку ноќ да отстојат во вода со прстофат сол.

2. Следниот ден прецедете ги, ставете ги во блендер заедно со водата, јаворовиот сируп, солта и ванилата.

3. Додадете кокосово масло и какао и блендирајте додека не добиете мазна смеса.

4. Истурете го кремот врз подготвениот бисквит, а за декорација посипете го со уште малку исечкани лешници. Оставете го во фрижидерот да се стегне најмалку 3 часа, а оптимално би било да „одмори“ цела ноќ во фрижидерот (доколку издржите).

(О)Милена | Црнобело