Прелијте неколку банани со чоколадно тесто – и добивате сочен колач

Подготовката на овој чоколаден колач е брза, вкусот е совршен, а текстурата мека – не е тешко да се заљубите во секое залче.

Потребни состојки:

• 300g брашно
• 300g шеќер
• 50g какао во прав
• 1/3 лажичка сол
• 1 лажичка ванилин шеќер
• 1 лажичка сода бикарбона
• 4 јајца
• 300ml млеко
• 50ml масло
• 60g путер
• 4 банани
• 1 лажица оцет
• Кокос за декорација

За прелив:

• 70ml млеко
• 70g шеќер
• 20g какао во прав
• 40g путер

Подготовка:

Сите прашкасти состојки измешајте ги во длабок сад, додадете ги јајцата, млекото, маслото и растопениот путер, па соединете ги со мешање.

Малку заматете со миксер, додека не добиете еднолична смеса.

Бананите излупете ги, отсечете им ги крајчињата и исечкајте ги на парчиња околу 3 сантиметри. Наредете ги исправено во тавче за печење, намачкано со малку путер.

Во чоколаднанта смеса ставете лажица оцет, промешајте, па прелијте околу наредените банани. Израмнете со лажицата, добро распоредете и печете на 180 степени 60 до 75 минути.

Посипете го кокосот за декорација.

М. Д. | Црнобело