Здраво, вкусно и лесно за почетници – посни плескавици од грав

Ова е одличен рецепт за сите почетници, за оние кои постат и генерално за сите кои сакаат да се хранат здраво. Во овој период кога дел од намирниците во продавниците се во дефицит, сигурно имате резерви на грав, а со него може да направите вкусни плескавици.

Потребни состојки:

• 500 gr грав
• Сол и други билни зачини по избор
• 2 лажички мелена црвена пиперка
• Бибер и ким по вкус
• 2 ловорови листа
• 1 морков
• 40 gr кромид
• 2 чешниња лук
• 5 лажици масло + додатно масло за пржење
• 3 лажици лебни трошки
• Брашно

Начин на подготовка:

1. Сварете го гравот (задолжително фрлете ја првата вода по киснењето), заедно со ловорот и морковот, па испасирајте ја смесата. Може да користите и грав од конзерва, во тој случај само сварете го морковот за да не биде тврд при пасирањето.

2. Додадете ги зачините според вкусот, лебните трошки и формирајте плескавици кои ќе ги извалкате во брашно

3. Пржете ги на загреано масло додека не се заруменат.

Постапката на подготвување може да ја видите во следното видео:

(О)Милена | Црнобело