Без печење: Чоколаден чизкејк

Ви се јаде благичко додека сте дома нели? Сакате да подготвите нешто на брзинка? Што велите за чоколаден чизкејк без печење?

Потребни состојки:

За подлогата:

• 150g мелени бисквити
• 100ml млеко
• 100g топен маргарин
• 100g шеќер
• 100g стопено чоколадо за готвење

За филот:

• 200g стопено млечно чоколадо
• 400ml слатка павлака
• 300g крем сирење
• 130g шеќер во прав

За глазурата:

• 150ml слатка павлака
• 150g чоколадо за готвење

Подготовка:

На подлогата:

Измешајте ги бисквититите, млекото, стопениот маргарин, шеќерот и чоколадото за готвење. Смесата поставете ја на подлога со дијаметар од околу 25cm и распоредете ја смесата. Подготвената подлога ставете ја во фрижидер додека го подготвувате филот.

Подготовка на филот:

Изматете ја слатката павлака додека да добие цврстина. Во посебен сад изматете го крем сирењето со шеќерот во прав. Додадете го стопеното млечно чоколадо и измешајте ги заедно.

Додадете ја оваа смеса во смесата од слатката павлака и соединете ги состојките. Добиената смеса ставете ја во калапот врз подлогата. Тортата ставете ја во фрижидерот додека ја подготвувате глазурата.

Подготовка на глазурата:

Слатката павлака загрејте ја до вриење на средна температура. Додадете го чоколадото за готвење и мешајте додека не се растопи. Глазурата оставете ја да се олади и потоа прелијте го филот во калапот. Тортата оставете ја во фрижидер во текот на ноќта за да се стврдне добро.

Декорирајте со овошје по желба.

На здравје десерт!

Е. П. | Црнобело