Совршен летен рецепт – солени палачинки со тиквички и 3 вида сирење
Сезоната на тиквичките е започната и не можеме да бидеме посреќни. Како неутрален зеленчук, тиквичките одлично може да се вклопат во многу солени, но и слатки рецепти, па дури и да направиме тестенини од тиквички во замена за стандардните.
Овојпат за вас имаме неодолив летен рецепт, совршен за појадок, вечера или мезе – солени палачинки од тиквички. Еве како може да ги подготвите:
Потребни состојки:
- 700-800 g тиквички
- 3 јајца
- 10 лажици брашно
- 1 прашок за печиво
- ½ шолја рендан пармезан
- ½ шолја рендан чедар кашкавал (или друг по вкус)
- ¼ шолја рендана моцарела (или обично сирење)
- Зачини по вкус: сол, куркума, вегета, бибер, магдонос, лук во прав …
- Исечкан млад кромид заедно со перцата
- Кисела павлака по желба како сос
Начин на подготовка:
- Измијте ги, излупете ги тиквичките и изрендајте ги на крупната страна од рендето. Посолете ги и оставете да отстојат 15 минути.
- Потоа добро исцедете ги за да го отстраните вишокот вода од нив. Додадете ги јајцата и измешајте ја добро смесата со виљушка.
- Потоа додадете го брашното и прашокот за печиво како и зачините по вкус и повторно измешајте. На крајот додадете ги трите вида сирење и уште еднаш добро промешајте.
- Во загреана тава која сте ја премачкале со малку масло оформете една палачинка од смесата во големина според вашата сопствена желба и печете на средна температура од двете страни додека добро не се зарумени.
- Сервирајте ги со ситно исечкан млад кромид и сос од кисела павлака по желба.
(О)Милена | Црнобело
Би можело да ве интересира:
Летен чоколаден колач – се прави во тава, нема печење и нема шанси да не ви се погоди
Во летниот период, кога не ви се поминува многу време во кујна – само измешајте ...
Летен колач со кокос и овошје, подготвен во стилот на нашите баби
Колачот со кокос и овошје е во стилот на раванијата или колачот со вишни што го ...
Рецепт за лесен и вкусен колач со јагоди, како кај баба на гости
Рецепт за колач кој потсетува на детството, од кој цела куќа ќе ви замириса на п...
Лазањи со спанаќ и сочно пилешко - полесна верзија на ручекот што го обожавате
Ова лесно јадење брзо ќе ве засити, но нема да сакате да престанете по само едно...
Лесно мезе: Крцкави „такоси“ од модри домати со крем сирење
Нов начин како да направите летно мезе со модри домати, кое е вкусно, а во исто ...
Сочно пилешко во сос од шери домати и спанаќ
Ви се јаде нешто сочно, а дома имате пилешко, но не знаете на кој начин да го по...
Препорачуваме
Најчитани неделава
