Совршен летен ручек: рижото со тиквички и топен кашкавал
Летото ни доаѓа, а покрај другото, тоа значи – сè помалку време во кујна и сè повеќе време поминато надвор во природа.
Доколку сте во потрага по лесен, здрав, вкусен и едноставен рецепт за кој не мора да потрошите часови покрај шпоретот, подгответе рижото со тиквички и топен кашкавал.
Потребни состојки:
- 2 лажици маслиново масло
- 1 средна главица црвен кромид (или обичен)
- 1-2 тиквички
- 1 шолја басмати ориз за рижото
- 2-4 лажици рендан кашкавал (чедар или некој друг по желба)
- 4-6 лажички бело вино
- Вода или пилешки бујон
- Зачини по желба (куркума, вегета, сол, кари, бибер…)
Начин на подготовка:
- Исечкајте го ситно кромидот и пропржете го на масло додека не стане стаклест на изглед. Слободно додавајте по малку вода за да не потемни.
- Додадете ја тиквичката исечена на коцкички и продолжете со динстање. По неколку минути додадете го оризот и добро измешајте.
- Динстaјте го оризот на средна температура и додавајте по малку обична вода или пилешки бујон. Зачинете по желба.
- Важно е оризот да не „плива“ во вода, но внимавајте да не остане и сув. Потребно е постојано да додавате по малку течност и постојано да мешате.
- Пред самиот крај додадете го белото вино, повторно добро измешајте, па додадете го изренданиот кашкавал (оваа количина секако може да варира, односно по желба може да додадете и малку повеќе).
- Сервирајте додека е топло.
(О)Милена | Црнобело
Би можело да ве интересира:
Лазањи со спанаќ и сочно пилешко - полесна верзија на ручекот што го обожавате
Ова лесно јадење брзо ќе ве засити, но нема да сакате да престанете по само едно...
Рецепт за крцкави чипс тиквички – печени во рерна со тајна состојка
Направете си го сами омиленото летно мезе, крцкави чипс тиквички од рерна – без ...
Домашни меки кифлички, со кашкавал и сланина
Овие кифлички е совршено меки и вкусни, што нема да сакате да почекате ни да се ...
Куглоф колач со лимон - десерт што ќе ве освои од првиот залак
Овој сочен куглоф колач е комбинација од кисели и слатки вкусови, а верувајте, ќ...
Посно гравче со спанаќ и домати - вкусен ручек што ќе го обожаваат сите
Постојат две опции да го подготвите овој рецепт - првата е да го оставите гравче...
3 посни рецепти без масло - вкусни јадења за божиќниот пост
Брза пита од компири и праз, мусака со печурки, чорба со зелка - овие три рецепт...
Препорачуваме
Најчитани неделава
