Највкусниот летен намаз за палачинки и колачиња – од 2 состојки

За овој рецепт ви се потребни само две состојки, а во неговиот вкус ќе уживате покрај сите приготвени десерти, од палачинки, до мафини и други суви колачиња и торти.

Се мачка на лесните пандишпани и теста, а кога малку ќе се растопи во топлите палачинки е убедливо највкусен.

Подготовка на намазот:

Оставете 100g путер на собна температура да отстои преку ноќ.

Кога добро ќе омекне, изматете го со миксер, па додадете му 2-3 лажички џем по избор и повторно измешајте додека се соедини.

Домашниот џем од јагоди и малини е најдобар избор, но може да експериментирате со она што го имате во фрижидер.

Намазот може да го чувате во тегличка во фрижидер. Користете го за филување на палачинки, кроасани и разни печива, по можност топли, штотуку извадени од рерна.

Може да го додадете и на парче благо лепче, за појадок.

М. Д. | Црнобело