Рецепт за чоколаден намаз кој може да го консумирате и кога слабеете

Со овој рецепт не мора да „бегате“ од чоколадото дури и кога сте на диета.

Постапката и состојките се многу едноставни и достапни, а важно е да знаете дека колку што е појак блендерот во кој го подготвувате намазот, толку ќе биде покремаст.

Освен блендер, за изработка ќе ви требаат:

• 1 шолја лешници, печени и лупени
• Малку индиски ореви (10-тина парчиња)
• 3 големи лажици растопен какао путер
• 2-3 лажици какао прав
• Малку топла вода
• Мед

Подготовка:

Се блендираат прво лешниците со индиските ореви додека не се иситнат добро, а потоа се додаваат останатите состојки. Блендирајте неколку минути со повремени паузи за промешување на кремот.

М. Д. | Црнобело