Највкусниот есенски десерт - мирисливи јаболка со прелив од карамела
-->
Јаболката со прелив од карамела се еден од највкусните есенски десерти, а за да ги направите не ви требаат некои посебни вештини за готвење.
Рецептот во продолжение е многу лесен, а резултатот се вкусни и мирисливи карамелизирани јаболка, на кои нема да одолеете.
-->
Потребни состојки:
- 7 мали јаболка
- 3 лажици блага хопла
- Дрвени стапчиња (можете да употребите и од оние за ражничи)
- 400g карамела
- Кикиритки, чоколадни трошки, ореви, кокос за декорација (по желба)
Начин на подготовка:
- Отстранете ги дршките на јаболката, измијте ги со топла вода и избришете ги. Уште подобро е ако ги оставите во фрижидер неколку часа пред да почнете со десертот.
- Ставете ги стапчињата на јаболката, така што ќе бидат како дршки. Наредете ги јаболката во еден сад, а во разни плитки садови ставете ги додатоците за украсување, како кикиритки и чоколадни трошки.
- Во тенџере ставете ги карамелата и хоплата и оставете го на тивок оган додека не се растопи карамелата. Оставете ја смесата околу 5 минути да се излади, за карамелата подобро да се залепи за јаболката.
- Држејќи ги јаболката за стапчето, потопете ги во смесата со карамела и хопла и разлејте ја низ целото јаболко. Веднаш потоа, додека карамелата е уште топла, додајте ги и кикиритките, чоколадните трошки или какви било додатоци по желба.
- Наредете ги јаболката во сад обложен со хартија за печење, а потоа оставете ги да се стврднат.
Вака приготвените јаболка можете да ги чувате во фрижидер и до две недели.
-->
-->
-->
-->
Спирова С. | Црнобело
Би можело да ве интересира:
Направете вкусни чоколадни брауни колачиња со капини - прсти ќе излижете
Кога ќе се спојат вкусно црно чоколадо и капини, ќе добиете идеален десерт – чок...
Викенд мезе: Крцкави пилешки прсти од рерна, готови за 30-тина минути
Крцкавите пилешки прсти се омилени за мезе или како предјадење, а наместо да ги ...
Рецепт за здрав домашен пудинг од јапонски јаболка и мед
Јапонски јаболка во комбинација со какао и мед за совршен здрав десерт, кој се п...
Фенси бранч оброк готов за 15 минути: Потпечени јајца „Салса верде“
Ако сакате да ги изненадите домашните или пријателите со фенси бранч, ви препора...
Редена еклер торта што не се пече, со фил од јаболка и ванила
Омиленото есенско овошје се јаболката, а од оваа лесна торта сите ќе бараат парч...
Вкусни бомбици од 2 состојки за кога немате ништо благо дома
Кога немате ништо благо дома, можете да си подготвите бомбици од само 2 состојки...