Најбараниот рецепт за чоколадна торта - се подготвува за 15 минути
Чоколадната торта е секогаш одличен избор – било за обично неделно попладне или кога сакате да си прославите нешто со блиските. Ретко кој може да одолее и би рекол „Не“ на ова слатко задоволство.
Ова е рецепт за наједноставна чоколадна торта, еден од најбараните и споделуваните на интернет.
За подготовка ви се потребни 15-тина минути и неколку едноставни состојки, а се пече уште 30-тина минути. Резултатот е мека, сочна торта, полна со чоколадо.
Потребни состојки:
- 200g чоколадо за готвење
- 80g путер
- 4 јајца
- Прстофат сол
- 50g шеќер
- Изрендана кора од портокал
Подготовка:
- Загрејте ја рерната на 180 степени.
- Подгответе го плехот и премачкајте го со путер.
- Путерот и чоколадото оставете ги да се стопат на пареа (во сув сад, над сад со топла вода) од 2 до 4 минути и мешајте додека не се стопат и соединат. Имајте на ум дека садот со водата не смее да е жежок, водата не треба да врие и водата не смее да го допира дното на садот во кој го топите чоколадото.
- Одвојте ги белките од жолчките.
- Во стопената смеса од чоколадо додадете шеќер и помешајте.. Потоа мешајте ги во смесата жолчките една по една и изренданата кора од портокал.
- На страна помешајте ги белките со прстофат сол.
- Една третина од белките нежно и полека замешајте ги во смесата со чоколадо, па полека додавајте го остатокот од белките.
- Готовата смеса на крајот истурете ја во плехот кој го премачкавте со путер.
- Печете 25-30 минути.
Декорирајте по желба со свежо овошје, шлаг, сладолед, шеќер во прав...
Е. П. | Црнобело
Би можело да ве интересира:
Рецепт за оригинална грчка бугаца - Крцкава, сочна и полна со фил од гриз
Не е класична блага пита, а е едно од омилените печива за појадок на Грците. Сте...
3 посни рецепти без масло - вкусни јадења за божиќниот пост
Брза пита од компири и праз, мусака со печурки, чорба со зелка - овие три рецепт...
Мек колач со малини, вкус кој потсетува на детството кај баба
Потсетува на колачот со вишни што ви го подготвуваа бабите, но иако не е потполн...
Сочен колач со боровинки и бело чоколадо - десерт на кој нема да му одолеете
Овој колач со боровинки и прелив од бело чоколадо е толку вкусен, што секогаш ко...
Ролат еклер - поинаков начин да го подготвите вашиот омилен десерт
За сите љубители на еклери, денес подготвивме рецепт кој е подеднакво вкусен, а ...
Брза торта со бело чоколадо и бисквити, без печење - ќе барате парче плус
Оваа торта од 6 состојки се подготвува за само 10 минути. А кога глазурата од чо...
Препорачуваме
Најчитани неделава
