Совршен за појадок, ручек и вечера – солен тарт со богат и префинет вкус
Тарт или киш, сеедно кое име ќе го употребите, верувајте дека овој рецепт ќе ви стане поомилен дури и од стандардната пица која речиси сите ја обожаваме.
Се прави лесно и брзо, а вкусот е исклучително богат и префинет. Совршено ќе се вклопи во секој оброк од денот, како и за брза закуска:
Потребни состојки:
За тестото:
- 250g брашно
- 120g маргарин
- 1 јајце
- 1 лажичка сенф
- Малку црвена мелена пиперка (зачин)
- 1 лажица мелен лен
- 2 лажици ладна вода
- 1 лажица коњак
- прстофат сол
За филот:
- 3 јајца
- 200 ml неутрална павлака за готвење
- 200 g ајдамер или некој друг тип на тврд кашкавал
- 100 ml млеко
- сол
- 1 голема главица црвен кромид
Начин на подготовка:
- Соединете ги сите наведени состојки за тестото и откако ќе добиете еднолична смеса, ставете ја во фрижидерот. Најдобро е тестото да отстои прекуноќ. Немојте да се грижите за вкусот на коњакот, тој ќе испари. Неговата намена е кората да биде крцкава, а сенфот е тука да му даде пикантен вкус на тартот.
- Префрлете го тестото за тартот во калап со кружна форма и избоцкајте го на неколку места со виљушка.
- Печете околу 10 минути во загреана рерна на 200°C.
- Во меѓувреме, изматете ги јајцата, додадете рендан кашкавал и останатите наведени состојки. Истурете ја оваа смеса врз полупеченото тесто и наредете крукчиња црвен кромид.
- Продолжете со печење на 200°C додека тартот добро не порумени.
- Доколку имате желба откако ќе се испече и добро ќе се олади, може врз него да додадете уште малку свеж, зготвен зеленчук по желба, како тиквички, шитаке печурки, пиперки или пак свежи маслинки. Изборот е ваш, но тартот е вкусен и без овие дополнителни додатоци.
(О)Милена | Црнобело
Би можело да ве интересира:
Лазањи со спанаќ и сочно пилешко - полесна верзија на ручекот што го обожавате
Ова лесно јадење брзо ќе ве засити, но нема да сакате да престанете по само едно...
Домашни меки кифлички, со кашкавал и сланина
Овие кифлички е совршено меки и вкусни, што нема да сакате да почекате ни да се ...
Ролат еклер - поинаков начин да го подготвите вашиот омилен десерт
За сите љубители на еклери, денес подготвивме рецепт кој е подеднакво вкусен, а ...
Кремаст Фереро Роше тарт - ќе барате парче плус
Се подготвува брзо, со корнфлекс, а токму тој му го дава крцкавиот шмек што го и...
Посно гравче со спанаќ и домати - вкусен ручек што ќе го обожаваат сите
Постојат две опции да го подготвите овој рецепт - првата е да го оставите гравче...
Куглоф колач со лимон - десерт што ќе ве освои од првиот залак
Овој сочен куглоф колач е комбинација од кисели и слатки вкусови, а верувајте, ќ...
Препорачуваме
Најчитани неделава
