Може да се јаде ладна и топла: Вкусна солена пита со печурки и пилешко од која ќе излижете прсти


Може да се јаде ладна и топла: Вкусна солена пита со печурки и пилешко од која ќе излижете прсти

Факт е дека најголемиот дел од нас се прејадовме за време на празниците, но тоа не значи дека ќе престанеме со подготовка на неодоливо вкусни рецепти. Секако, со внимателна консумација во однос на количината.

Vkusna-solena-pita-so-pecurki-i-pilesko-01.jpg

Овој пат подгответе вкусна, солена пита полнета со печурки и пилешко месо. Се прави брзо и лесно, а вкусот е апсолутно божествен:

Потребни состојки (за тепсија со пречник од околу 25 cm):

  • 300g готово лиснато тесто
  • 300g печурки
  • 200g бело, пилешко месо
  • 30g сечкан, млад кромид
  • 150g моцарела
  • 3 јајца
  • 3 лажици павлака
  • Сол и бибер по вкус

Начин на подготовка:

  • Одмрзнатото лиснато тесто го развлекуваме со сукало и го нанесуваме на дното од тепсијата.
  • Краевите ги сечеме, со тоа што оставаме мал дел од тестото да „излегува“ од тепсијата, бидејќи тестото малку ќе се собере во текот на печењето. Го прободуваме тестото со виљушка на неколку места.
  • Врз тестото поставуваме алуминиумска фолија и истураме малку грав или ориз врз фолијата. На овој начин го печеме тестото во загреана рерна на 200ﹾС околу 10 минути.
  • Потоа го тргаме гравот или оризот, како и фолијата и печеме уште 5 минути. Го вадиме подготвеното тесто од рерната и го тргаме настрана.
  • Почнуваме со подготовка на филот. На малку масло го пропржуваме белото, пилешко месо (претходно исечкано на коцки). Пржиме додека не порумени добро. 
  • Го тргаме месото настрана и продолжуваме со пржење на печурките, кои претходно сме ги исечкале на покрупни парчиња.
  • Ја рендаме моцарелата, а младото кромитче го сечкаме ситно. 
  • Ги мешаме сите состојки: испрженото пилешко месо, печурките, моцарелата и младото кромитче. Ставаме сол и бибер по вкус и го распоредуваме филот врз тестото. Матиме јајца и павлака и додаваме уште малку сол.
  • Со течната смеса рамномерно ја прелеваме питата. Печеме уште 30 минути на 180ﹾС во загреана рерна.

Питата може да се јаде и ладна и топла. На здравје.

Vkusna-solena-pita-so-pecurki-i-pilesko (3).jpg

Vkusna-solena-pita-so-pecurki-i-pilesko (2).jpg

Vkusna-solena-pita-so-pecurki-i-pilesko (1).jpg

(О)Милена | Црнобело

Би можело да ве интересира:

Направете домашен лахмаџун, најпознатата „турска пица“, без употреба на рерна Секако дека ни недостасуваат местата коишто прават најдобар лахмаџун во Скопје, ...
Готов за 15 минути: Џем од јагоди кој ќе ве врати во детството Јаготки кои се мачкаат на леб – појадок, ужинка и вечера која честопати знаевме ...
3 италијански здрави рецепти: Крема од тиква и хељда, рижото со цвекло и graukase, аспарагус со јајц... Во склоп на Неделата на италијанска кујна, денес на менито имаме неколку рецепти...

Најчитани неделава

sonovnik-sidebar.jpg