Брзи чоколадни коцки со кисело млеко

Подготвени за брз, лесен и исклучително вкусен рецепт кој ќе ви ја задоволи потребата за нешто слатко? Овие чоколадни коцки се воздушесто меки, прелиени со вкусно чоколадо кое нема да дозволите да сопрете на едно изедено парче:

Потребни состојки:

• 3 јајца
• 100 gr шеќер
• 120 gr мелени бадеми
• 50 gr какао
• 100 gr кокосово брашно
• 300 ml кисело млеко
• 100 gr путер
• 1 ќесичка прашок за печиво
• 100 gr чоколадо
• 100 ml слатка павлака

Начин на подготовка:

Изматете ги јајцата и шеќерот пенесто додека не добиете светложолта смеса.

Во посебен сад измешајте ги бадемите, какаото, кокосовото брашно и прашокот за печиво. Додадете ги изматениот шеќер и јајцата. Добро промешајте ја смесата и не дозволувајте да останат грутки.

Додадете го растопениот путер и киселото млеко. Полека промешајте ја смесата и истурете ја во калап на којшто претходно сте нанеле хартија за печење. Печете го колачот околу 30 минути на 180֯С.

Загрејте ја слатката павлака и додадете го чоколадото. Мешајте додека не се растопи.

Испечениот колач, малку оладен, преместете го во чинија и прелијте го со чоколадна глазура. Исечете на коцки и уживајте во вкусот.

(О)Милена | Црнобело