Брзо и лесно: 5 запечени тортиљи со 4 различни вкусови по ваш избор

Дали сте од оние кои тортиљата ја виткаат како стандардна палачинка, односно во облик на бурито? Време е да го смените начинот на преклопување на тортиљата бидејќи можностите за нови вкусови се практично неограничени.

Воедно, додека ја јадете тортиљата преклопена на ваков начин ќе направите многу помалку неред, а шансите да си ја уништите омилените маичка се речиси непостоечки.

За почеток, направете едноставен засек на обележаното место (помеѓу 1 и 4) и на секое парче ставете различни додатоци. Превиткувањето понатаму е лесно – делчето со број 1 оди кон делот 2, па 2 во 3 и 3 во 4. И толку!

Потоа само ја потпекувате на малку масло или путер во тавче, додека вкусовите не се соединат, а кашкавалот не се растопи.

За вас имаме 5 одлични комбинации, а тортиљите се евтини, лесно достапни и многу вкусни:

Прва комбинација:

• 1 – тенко исечени парчиња авокадо (или пак во облик на гвакамоле, т.е. згмечено)
• 2 – крцкава сланина
• 3 – кајгана
• 4 – рендан чедар (или друг рендан кашкавал по избор)

Комбинација 2 

• 1 – доматен сос
• 2 – рендана моцарела
• 3 – печурки, пиперка, кулен, итн. (додатоци по желба)
• 4 – рендана моцарела

Комбинација 3 

• 1 – песто
• 2 – спанаќ и сечкан црвен кромид
• 3 – шунка од мисирка (или свинска/пилешка, по избор)
• 4 – парчиња кашкавал по избор

Комбинација 4

• 1 – кисела павлака
• 2 – сечкан патлиџан + марула
• 3 – стопен капкавал, мелено месо во црвен сос и пченкарен чипс
• 4 – рендан кашкавал по избор

Бонус: слатка тортиља

• 1 – Нутела (или друг чоколаден крем)
• 2 – јагоди (или друго овошје по желба)
• 3 – Нутела (или друг крем, на ова парче може да има и бел крем)
• 4 – Шеќер со цимет

(О)Милена | Црнобело