Без печење: Неодоливо вкусни бисквит коцки со банана – нема да сопрете на само една

Одлична комбинација на банана, плазма бисквити и чоколадо. Меки, кремасти, вкусни коцки кои се подготвуваат лесно и брзо.

Предизвикот е само да запрете откако ќе изедете една… ќе успеете ли?

Потребни состојки:

За подлогата

• 300 gr бисквити (250 g мелени + 50 g издробени)
• 2 лажици шеќер во прав
• 150 ml сок од портокал
• 80 g омекнат путер

Добро соединете ги сите состојки. Смесата распоредете ја во калап со димензии 30×20 cm, но доколку немате слободно може да ја натапкате и во калап со помала димензија (коцките ќе бидат малку повисоки).

За кремот

• 300 g мелени бисквити
• 140 g шеќер во прав
• 1-2 банани со средна големина
• 400 g павлака со висока масленост 
• 200 ml слатка павлака

Изматете ги двете видови на павлака. Останатите состојки изматете ги во посебен сад, а потоа соединете ја оваа смеса со онаа од павлаката. Рамномерно нанесете ја смесата врз тврдата подлога.

За преливот

• 200 ml слатка павлака
• 150 g млечна чоколада

Загрејте ја павлаката на тивок оган. Пред да започне да врие тргнете ја од ринглата и додадете ја чоколадата во неа. Мешајте додека чоколадата целосно не се стопи. Преливот нанесете го врз колачот и оставете добро да се стегне и да се олади пред да го исечете на коцки.

(О)Милена | Црнобело