Ќе излижете прсти – кремасти карамел плочки со чоколадна глазура


Ќе излижете прсти – кремасти карамел плочки со чоколадна глазура

Ова е вистинскиот сладок рецепт за сите хедонисти – богат, раскошен вкус на карамела, прелиена со вкусно чоколадо.

Kremasti-karamel-plocki-so-chokoladna-glazura-01.jpg

Кората е богата со урми, мед и ореви, што значи дека дефинитивно нема да зажалите доколку ги направите уште денес.

Потребни состојки:

За кората:

  • 200g урми
  • 50g ситни овесни снегулки
  • 80g ореви
  • 1 лажица кокосово масло
  • 3 лажици какао
  • 2 лажици агаве сируп или мед

Исчистените урми потопете ги во топла вода околу 10 минути. Процедете ги и ставете ги во блендер со останатите состојки додека не добиете мазна смеса.

Смесата натапкајте ја во плех врз хартија за печење и оставете ја во замрзнувач 30 минути.

За филот:

  • 300g кисела павлака
  • 70g кокосов шеќер (или обичен)
  • 2 лажички арома од ванила
  • 10g или 1 ќесичка желатин во прав

Измешајте ја павлаката со шеќерот и аромата од ванила. Желатинот разматете го со неколку лажички вода и загрејте на средна температура.

Во топлата желатинска смеса ставете неколку лажички од разматениот крем и добро измешајте пред да го соедините со остатокот. Премачкајте ја кората и вратете го колачот во замрзнувачот уште половина час.

За глазурата:

  • 100g чоколадо за готвење
  • 1 лажица кокосово масло
  • 1 лажица кокосово (или обично) млеко

Стопете ги сите состојки на пареа на средна температура, а потоа прелијте го колачот. Повторно вратете го добро да се олади пред да го сервирате.

Kremasti-karamel-plocki-so-chokoladna-glazura_1.jpg

Kremasti-karamel-plocki-so-chokoladna-glazura_5.jpg

Kremasti-karamel-plocki-so-chokoladna-glazura_3.jpg

(О)Милена | Црнобело

Би можело да ве интересира:

Талентирана Македонка за која готвењето е уметност: 8 предлог рецепти од Викторија Кочишка Оваа Македонка има кулинарски талент и Инстаграм профил со кулинарски дела кои д...
3 рецепти за брзи, посни колачиња Иако во наредниот период ќе бидеме малку ограничени со состојките за рецептите к...
Посна, полнета погача - идеална за да си ја понесете на работа за појадок На сите ни е смачено да мислиме што ќе јадеме на работа денес, а дилемата се оте...

Најчитани неделава

sonovnik-sidebar.jpg