Луксузни колачиња вредни за маката и секое денарче – Фереро роше браунис
Понекогаш ни е потребно разгалување на душата, особено во тешки времиња како денешните. Доколку сте во потрага по луксузен рецепт кој ќе го задоволи вашето непце за слатко, ви ги претставуваме овие луксузни браунис колачиња со Фереро роше средина.
Потребни состојки:
- 250 g млечно или темно чоколадо (по желба)
- 225 g несолен путер
- 250 g мек кафеав шеќер
- 3 големи јајца
- 2 лажици сируп од лешник (по желба, опционално)
- 60 g какао во прав
- 70 g сенаменско брашно тип 400
- 50 g сечкани лешници
- 15-20 топчиња Фереро роше
Начин на подготовка:
- Загрејте ја рерната на 160 степени Целзиусови и подмачкајте тавче со димензии 30 × 23 cm или 20 × 20 cm и поставете хартија за печење како подлога.
- На средна температура стопете го чоколадото и путерот додека не добиете мазна смеса.
- Во друг сад изматете ги јајцата, шеќерот, сирупот (доколку го користите) додека не ги соедините. Внимавајте да не мешате премногу долго.
- Во трет, помал сад измешајте го какаото, брашното и лешниците.
- Време е за соединување на смесите. Внимателно истурете ја смесата со стопено чоколадо и путер во смесата од јајца и шеќер. На крајот додадете ја мешавината од брашно, какао и лешници и внимателно мешајте додека не добиете густа, темна смеса.
- Истурете ја во подмачканото тавче за печење и почнете да ги ставате Фереро роше топчињата во смесата со нежно втиснување во неа. Идејата е да добиете по едно топче во секоја коцка брауни.
- Печете во загреана рерна од 45 до 55 минути или додека брауни колачот не стане цврст.
- Оставете целосно да се олади и потоа исечете на коцки и уживајте.
(О)Милена | Црнобело
Би можело да ве интересира:
Рецепт за посни колачи во форма на праски – омилениот десерт од детството
Идеални за посниот период - можете да подготвите поголемо количество, а никој не...
Шеќерни крофни со цимет и путер, меки како душа
Крофните со шеќер, цимет и путер се најмеките крофни што некогаш ќе ги пробате. ...
Брзи и вкусни чоколадни браунис без шеќер, готови за 15 минути (видео)
Чоколадните браунис колачиња со банана имаат малку калории, па можете да ги јаде...
Рецепти за 2 редени чоколадни торти што не се печат
Редена чоко-торта од бисквити и чоколаден прелив или торта со бела чоколада бана...
Чизкејк од банани што не се пече – идеален за летните денови
Брзите чизкејк десерти се меѓу омилените на модерните домаќинки затоа што не се ...
Највкусната посна сарма со праз, по рецепт на нашите баби
Бадниковата и божиќната трпеза никако не можат да поминат без посна сарма... Дал...
Препорачуваме
Најчитани неделава
