Шпагети „Качо е пепе“ – едноставен рецепт од италијанската кујна
Обично кога помислуваме на шпагети, сметаме дека треба да приготвиме и сос со повеќе состојки или да се обезбедиме со повеќе додатоци, но оваа класична варијанта од италијанската кујна во Рим е мошне едноставна како за приготвување, така и во однос на состојките.
Потребни ви се отприлика околу 15 минути да ги подготвите и само три состојки.
Потребни состојки (за две порции):
- 2 лажици црн бибер во зрно;
- 200 g шпагети;
- 80 g овчи кашкавал (на собна температура);
- Сол по вкус.
Начин на подготовка:
- Ставете две чинии за послужување во рерна на тивка температура да се затоплат или наполнете ги со топла вода;
- Зрната црн бибер се топлат на сува тава и кога ќе почнат да шират мирис се толчат во аван со толчник. Доколку немате толчник, тогаш само измелете ги зрната бибер во мелница;
- Шпагетите се варат во поширок сад, со помалку вода;
- Пет минути откако сте ги ставиле шпагетите да се варат, се одвојува околу 250ml од водата во која што се вареле и се остава настрана да се олади додека го рендате кашкавалот;
- Садот со шпагетите се трга од оган и се покрива; Готовите шпагети се процедуваат и се оставаат настрана додека го подготвувате сосот;
- Изренданиот кашкавал и најголемиот дел од биберот се ставаат во голем сад;
- Со тенок млаз се додава од оладената вода од шпагетите во садот каде што ги оставивте кашкавалот и биберот и се мати со маталка додека не се добие сос што наликува на бешамел;
- Шпагетите се додаваат во садот со сосот и се мешаат, а се сервираат во претходно затоплените чинии.
Б. С. Б. | Црнобело
Би можело да ве интересира:
Шпагети со ракчиња во сос од домати - вкусен рецепт кој потсетува на лето и море
Имате ли навика кога одите на море, барем еднаш да седнете во рибен ресторан или...
Лазањи со спанаќ и сочно пилешко - полесна верзија на ручекот што го обожавате
Ова лесно јадење брзо ќе ве засити, но нема да сакате да престанете по само едно...
Сочно пилешко во сос од шери домати и спанаќ
Ви се јаде нешто сочно, а дома имате пилешко, но не знаете на кој начин да го по...
Посно гравче со спанаќ и домати - вкусен ручек што ќе го обожаваат сите
Постојат две опции да го подготвите овој рецепт - првата е да го оставите гравче...
Куглоф колач со лимон - десерт што ќе ве освои од првиот залак
Овој сочен куглоф колач е комбинација од кисели и слатки вкусови, а верувајте, ќ...
Сочен Цезар сендвич, со потпечено лепче, многу сос и крцкаво пилешко
Класичната Цезар салата, која им е омилена на многумина, сега може да ја јадете ...
Препорачуваме
Најчитани неделава
