По рецептот на баба: Вкусни мафини со јагода кои не може да ги промашите
На пазарите и во маркетите веќе може да се најдат јагоди во изобилство. Иако ова пролетно овошје е мошне вкусно и здраво ако го јадете свежо, тоа е совршен додаток за торти, колачи и други десерти.
Овојпат ви претставуваме еден рецепт за брзи мафини со јагоди. Овие мафини се прават брзо и нема да ви одземат многу време, а ги снемува уште побрзо.
Состојки:
- 3 јајца
- 100 g шеќер во прав
- 80 g путер
- 100 g остро брашно
- 200 g јагоди
Начин на подготовка:
- Исчистете ги јагодите од зелените делови, измијте ги убаво и оставете ги да се исцедат.
- Во меѓувреме подгответе го калапот: со четка намачкајте ги калапите со путер или масло за јадење и ставете хартиени корпи за печење внатре.
- Путерот треба да биде на собна температура. Путерот и шеќерот во прав ги матиме со миксер додека не добиеме мазна и компактна смеса.
- Во оваа смеса полека додаваме по едно јајце и добро матиме со миксер по секое јајце.
- Потоа во готовата смеса, полека го вмешуваме и брашното и на крајот ги додаваме и јагодите и мешаме со шпатула или со лажица.
- Смесата со лажица ја префрламе во хартиените корпи во калапот и мафините ги печеме околу 20 минути на температура од 180 степени Целзиусови.
Б. С. Б. | Црнобело / фото: deposithotos.com
Би можело да ве интересира:
Брзи цвет банички со спанаќ и сирење
Ако размислувате што вкусно и солено да подготвите викендов, можете да го пробат...
Брз ролат со плазма и овошје (без печење)
Ако сте љубител на чизкејк, тогаш овој ролат без печење ќе ви се допадне, бидејќ...
Рецепт за торта со јагоди и крем без печење
Ви се јаде нешто слатко, сочно и кремасто, а не сакате да печете? Пробајте ја ов...
Лесен и вкусен ролат полнет со варени јајца (кои сигурно ви останале по Велигден)
Се прави од готово лиснато тесто, а се полни со кашкавал, салама и варени јајца ...
Направете вкусна мусака со модри домати, по грчки рецепт
Ако сте расположени за традиционален ручек, но ви се здосадени секојдневните рец...
Рецепт за крофни со шеќер како на плажа
Има ли некој што не ги сака крофните со шеќер што се продаваат на плажа? Вкусни,...
Препорачуваме
Најчитани неделава
