Tорта која ќе ве освои - се прави за 5 минути, без брашно и шеќер, погодна за дијабетичари и сите што бројат калории
Доколку секогаш сте „во гужва“ и немате време за комплицирани слатки рецепти, тогаш овој е идеалниот рецепт за вас. Ќе ви бидат потребни буквално пет минути за подготовка, а толку е сочен и вкусен што со сигурност ќе му се навратите повторно.
Особено е погоден за дијабетичари и за сите што внимаваат на здравјето, на фит изгледот и бројат калории, а во тој случај, наместо вообичаена, млечна чоколада за глазура, користете ја онаа за дијабетичари или пак темно чоколадо со многу висок процент на какао.
Секако, дијабетичарите и оние со здравствени проблеми најдобро си знаат во консултација со својот лекар што и во кои количини треба да консумираат.
А, едно е сигурно - оваа торта освојува на прво залче, независно дали сте „зависник“ од благо или не.
Потребни состојки:
- 2 банани
- 2 јајца
- 4 лажици какао
- 1/2 лажичка прашок за печиво
Глазура:
- 50 g чоколадо
- 45 ml млеко
- 15 g путер
Начин на подготовка:
- Скршете ги јајцата, па ставете во блендер. Додадете ги сечканите банани, какаото и прашокот за печиво и добро изматете за да добиете мазна смеса.
- Истурете ја смесата во подмачкан калап со дијаметар од 14 cm и печете 5-8 минути.
- Прелијте го чоколадото со млекото и додадете путер, па загрејте ги состојките со цел убаво да се растопат.
- Свртете ја испечената торта наопаку, а потоа прелијте ја со чоколадната глазура.
- Оставете ја да отстои некое време за да се впие чоколадната глазура, а потоа исечете и послужете.
За полесно следење на инструкциите погледнете го видеото:
(О)Милена | Црнобело
Би можело да ве интересира:
Препорачуваме
Најчитани неделава
