Чинија полна здравје – Шарена, летна салата со хумус за која не ви треба мерење количинa

Ги обожаваме рецептите кои се подготвуваат лесно и брзо. Тоа е сè што ни е потребно ова лето кога нè очекуваат пеколни температури. Потребна ни е здрава и хранлива опција, која воедно ќе биде вкусна и пријатна за погледот.

Количините се произволни, односно може да додадете или одземете согласно личниот вкус и желба.

Потребно состојки:

• Хумус (со вкус по желба)
• Маслиново масло
• Зачини – сол, бибер, куркума
• Зелени и црни маслинки
• Шери домати или обични
• Пиперки
• Фета сирење
• Наут од конзерва

Начин на подготовка:

Во долгнавеста чинија на едната страна сервирајте го хумусот и задолжително додадете малку маслиново масло и зачини за поинтензивен вкус, особено доколку сте одбрале неутрален хумус.

На другата страна додадете ги сечканите домати и пиперки, маслинките, издробеното фета сирење и наутот. Зачинете по желба.

Оваа летна салата одлично оди во комбинација со потпечени, интегрални лепчиња со малку маслиново масло и лукче.

На здравје.

 (О)Милена | Црнобело