Тоскански деликатес - фетучини со пилешко и сланина во кремаст сос
Донесете го вкусот на Италија во вашата кујна. Вкусни фетучини во комбинација со пилешко, сланина, зеленчук и пармезан, споени во неодоливо богат, раскошен кремаст сос.
Потребни состојки:
- 340g тестенини фетучини
- 4 парчиња сланина ситно исечкана
- 450g бело пилешко месо, исечено на ленти
- 2 чешниња лук, ситно сечкан
- 4 мали домати, исечкани
- 1 шолја неутрална павлака за готвење
- 150g бејби спанаќ
- ½ шолја рендан пармезан
- 3 лажици ситно сечкан свеж босилек
- Сол и црн бибер
Начин на подготовка:
- Сварете ги тестенините според упатството на пакетчето и исцедете ги од вишокот вода.
- Во меѓувреме, додека се варат, почнете со пржење на сланината во ладно, незагреано тавче на средна температура. Кога сланината ќе стане златна и крцкава (после 8 минути од прилика) префрлете ја во друг сад.
- Зачинете го пилешкото по желба и додадете го во тавчето каде што ја пржевте сланината. Откако ќе се зготви, префрлете го и пилешкото кај сланината.
- Во тавчето ставете го лукот и пропржете го околу 30 секунди додека не пушти малку мирис. Додадете ги доматите и павлаката за готвење и промешајте. Почекајте додека не почне да врие, па додадете го спанаќот и добро измешајте.
- На крајот додадете ја сланината, пилешкото и сварените фетучини. Дозволете тестенините добро да го впијат сосот и додадете рендан пармезан и свеж босилек.
(О)Милена | Црнобело
Би можело да ве интересира:
Кремаст Фереро Роше тарт - ќе барате парче плус
Се подготвува брзо, со корнфлекс, а токму тој му го дава крцкавиот шмек што го и...
Кремаст плазма колач со пудинг, јагоди и банани – брз, лесен и неодолив
Ако ви треба лесен и брз рецепт за нешто благо, кремасто и неодоливо, ова е тоа ...
Лазањи со спанаќ и сочно пилешко - полесна верзија на ручекот што го обожавате
Ова лесно јадење брзо ќе ве засити, но нема да сакате да престанете по само едно...
Рецепт за шпагети со кремаст и сочен сос од шери домати, лук и пармезан
Ако сте љубител на паста со лесни, но кремасти и сочни сосови, ова е идеален рец...
Рецепт за француска салата за новогодишните празници
Освен руската салата, која е кралица на новогодишните празници, и француската е ...
Сочно пилешко во сос од шери домати и спанаќ
Ви се јаде нешто сочно, а дома имате пилешко, но не знаете на кој начин да го по...
Препорачуваме
Најчитани неделава
