Богат вкус за оние со деликатно непце – салата од рукола, круши и сино сирење

Сезоната на крушите сè уште е во тек, па слободно може да го искористите ова вкусно, хранливо овошје во неодолива салата.

Спојот на рукола, сино сирење и ореви е фантастичен. Еве што друго ќе ви биде потребно и како се подготвува вашата нова, омилена, летна салата:

Потребни состојки:

• 2 круши
• 250 gr свежа рукола
• 150 gr сино (мувлосано) сирење (доколку не го сакате вкусот на ова сирење, слободно заменете го со козјо сирење)
• 1 рака ореви
• сол и црн бибер
• 2 лажици маслиново масло
• 2 лажици балсамико оцет
• 1 лажичка сусам

Начин на подготовка:

Добро измијте ја руколата и исцедете ја.

Исечете го сирењето на коцки. Крушите може да ги исечете исто така на коцки или по должина, онака како што вам ви одговара повеќе.

Во подлабок сад измешајте ги главните состојки. Зачинете ја салатата со сол, бибер, маслиново масло и балсамиран оцет.

На крајот додадете малку потпечен сусам.

(О)Милена | Црнобело