Есенско колаче од една смеса, прелиено со чоколадо

Есенско колаче кое на сладок начин ќе ја најави новата сезона...

Испробајте го овој ароматичен рецепт кој е комбинација од јаболка, ореви, цимет, рум и чоколадо.

Потребни состојки:

• 120g мелени ореви
• 200g крупно нарендани јаболка
• 200g шеќер
• 1 ванилин шеќер
• 150ml масло
• 250ml млеко
• 320g гриз
• 80g суво грозје
• 1 лажичка цимет
• 1 лажичка рум

За глазура:

• 100g чоколадо за готвење
• Малку путер (околу 30g)

Начин на подготовка:

• Сите состојки за колачот измешајте ги во еден длабок сад, па прелијте ги во калап за печење, кој претходно ќе го намачкате со малку масло или путер.
• Колачот се пече на 20-25 минути на температура околу 170-180 степени Целзиусови.
• По печењето, добро оладете го колачот и потоа прелијте го со глазурата од топено чоколадо и малку путер.

Служете го колачот со шолја кафе или чај.

М. Д. | Црнобело