Викенд ручек: Полнета тиква со месо и кашкавал

Иако кај нас тиквата се смета за сладок есенски деликатес, постојат и повеќе солени рецепти со неа.

Како на пример, овој ручек кој вклучува тиква, мелено месо и кашкавал.

Потребни состојки:

• 1 тиква (округла)
• 350g мелено месо
• 50g рендан кашкавал кој лесно се растопува
• 1 главица кромид
• 1 лажичка сол
• Зачини по желба

Начин на подготовка:

• Загрејте ја рерната на 180 степени Целзиусови. Измијте ја тиквата, отстранете го врвот и извадете ја внатрешноста полна со семки.
• Исечкајте го кромидот на ситни парчиња и пропржете го на масло, додека не стане проѕирен.
• Потоа додадете го месото заедно со сите зачини. Добро пропржете.
• Наизменично полнете ја тиквата со ред мелено месо, па ред кашкавал.
• Завршете со подебел слој кашкавал и затворете со горниот дел кој го исековте на почетокот.
• Ставете ја тиквата на тава обложена со хартија за печење и печете околу 30-тина минути на 180 степени. Служете додека е топла.

М. Д. | Црнобело