Без печење: Редена торта со бисквити и чоколаден фил, готова за 10 минути
Најголемата мајсторија што ќе ви биде потребна за да ја подготвите оваа торта е само да знаете како да подготвите пудинг без грутки, што ќе служи како фил за тортата.
Кога се спомнува подготовка на торта, најчесто се мисли на комплициран рецепт, што подразбира многу матење филови и пандишпани, печење...
Ова е лесен рецепт за редена торта што можете да ја подготвите само за десет минути, а со која ќе ги изненадите најблиските.
Состојки:
- 200g мармалад од кајсии
- 500g бисквити
- 1,3 l млеко
- 5ml екстракт од ванила
- 100g брашно
- 130g шеќер
- 50g какао
- 50g путер
- 50g ситно сечкани лешници
Подготовка:
- Се зема еден бисквит и се премачкува со мармалад од кајсии, па потоа се затвора со друг бисквит во форма на сендвич.
- Во подлабок сад ставете 300ml млеко и потопете го сендвичот, а потоа ставете го на плех.
- Од преостанатите бисквити и мармалад се прават повеќе „сендвичи“ и сите се редат на плехот еден до друг.
- Во сад со еден литар млеко ставете една лажичка екстракт од ванила и ставете на рингла да се загрее.
- Во подлабок сад се мешаат брашното, шеќерот и какаото и изедначената смеса се става во загреаното млеко.
- Со маталка сувите состојки се мешаат во млекото, за да се избегнат грутки, сè додека не се добие смеса што наликува на пудинг.
- Во чоколадниот фил се додава путер и се меша додека да се стопи.
- Првиот ред со сендвичи од бисквити и мармалад се прелева со овој фил.
- Потоа врз филот се реди нов ред од сендвичи со бисквити и одозгора повторно се истура од филот.
- Постапката се повторува сè додека не се потрошат состојките, а готовата торта се прелева со чоколаден фил и се декорира со ситно сечкани лешници.
- Тортата се става да стои во ладилник околу 1 час, по што може да се сервира.
Видеото со деталната подготовка на колачот можете да го погледнете ТУКА.
Б. С. Б. | Црнобело
Би можело да ве интересира:
Ролат еклер - поинаков начин да го подготвите вашиот омилен десерт
За сите љубители на еклери, денес подготвивме рецепт кој е подеднакво вкусен, а ...
Домашен крцкав бурек во тавче - се прави со растурени кори, полнет со сочен фил
Ако ви се јаде бурек, а дома имате готови кори за пита, можете сами да си ја под...
Во кујна со Марјан од Скопје: Домашни кифлички по рецепт на неговата мајка
„Уште од мал, гледајќи ја мајка ми како меси и прави разни ‘лудории’ во нашиот о...
Кремаста и сочна Барон торта, со многу чоколадо и малини
Слаткиот вкус на чоколадо во комбинација со кисели малини ја става Барон тортата...
Рецепт за турска бисквит торта со чоколаден прелив – се топи во уста
Најубавата и најсочната бисквит торта со бел крем, чоколаден прелив и вкус на ка...
Рецепт за оригинална грчка бугаца - Крцкава, сочна и полна со фил од гриз
Не е класична блага пита, а е едно од омилените печива за појадок на Грците. Сте...
Препорачуваме
Најчитани неделава
