Есенски десерт: Мини лиснати пити полнети со фил од тиква

Есента е сезона на тиквата, па наместо варена или печена, обидете се да направите нетрадиционален десерт.

zdrava-uzhinka-za-celoto-semejstvo-vkusni-mini-piti-so-tikva-01.jpg

Ви нудиме неодолив десерт за мини лиснати пити со тиква, направени со готово тесто.

Состојки:

2 готови теста за пита
50g кафеав шеќер
2 супени лажици бел шеќер
мала лажичка сол
300g пире од тиква
190ml кондензирано млеко
1 јајце
½ лажичка екстракт од ванила
шлаг пена

zdrava-uzhinka-za-celoto-semejstvo-vkusni-mini-piti-so-tikva-02.jpg

Подготовка:

Тестото се танчи со сукало додека не биде со дебелина од околу 3 mm.
Од истенченото тесто се прават 18 кругови со дијаметар од околу 9 cm. По потреба остатоците од тестото може повторно да се премесат и да се истанчат и од нив да се направат нови кругови.
Круговите се редат во калапи за мафини, така што ќе се создаде форма на корпа.
Готовото тесто се остава во ладилник, додека да го подготвите филот.
Во длабок сад се мешаат прво кафеавиот шеќер, белиот шеќер и солта, а потоа се додава и пирето од тиква, млекото, изматено јајце и екстракт од ванила. Сите состојки се мешаат додека да се добие рамномерна смеса.
Калапите со мини тестата се вадат од ладилник и се полнат со подготвениот фил (околу 2 супени лажици фил за секоја мини пита).
Мини питите се печат во претходно загреана рерна на температура од 200 степени Целзиусови.
Потребни се од 16 до 20 минути за питите да бидат готови, односно тестото да порумени, а филот да се зацврсти.
Готовите пити се вадат од рерна и се оставаат да се оладат околу 30-тина минути во калапот. Откако ќе се извадат, се оставаат да се оладат во целост, по што се ставаат во ладилник уште најмалку 3 часа.
Пред сервирање мини питите може да се декорираат со шлаг пена.

zdrava-uzhinka-za-celoto-semejstvo-vkusni-mini-piti-so-tikva-03.jpg

Б. С. Б. | Црнобело

Би можело да ве интересира:

Мини палачинки во форма на цвет, со јагоди и банани - децата ќе ги обожаваат Ако сакате да им подготвите појадок на децата кој ќе го обожаваат, направете им ...

Ролат еклер - поинаков начин да го подготвите вашиот омилен десерт За сите љубители на еклери, денес подготвивме рецепт кој е подеднакво вкусен, а ...