Преклопени тортилји со пилешко, од кои тече растопен кашкавал

Вкусен и сочен оброк за сите оние што сакаат зачинета и лута храна, а дополнително и комбинација на пилешко со растопен кашкавал.

za-ljubitelite-na-zachineta-hrana-vkusni-tortilji-so-rastopen-kashkaval-01.jpg

Потребни ви се готови тортилји, кои ќе ги наполните со претходно подготвено месо и зеленчук и ќе ги печете завиткани како мини врапови.

Потребни состојки:

3 парчиња пилешки гради, исечкани
8 големи тортилји
250g рендан кашкавал (чедар)
1 голема лажица сол
1 голема лажица сок од лимон
2 големи лажици фахита зачин (или мешавина од разни зачини)
1 лута пиперка, исечкана
2 чешниња лук, ситно исечкани
3 црвени пиперки исечкани на ленти
2 главици кромид, ситно исечкани
3 лажици масло
120 ml пиво
Кисела павлака и салса сос за декорација.

za-ljubitelite-na-zachineta-hrana-vkusni-tortilji-so-rastopen-kashkaval-02.jpg

Начин на подготовка:

Во подлабок сад се става исечканото пилешко месо, сокот од лимон, 1 голема лажица сол, 1 голема лажица масло, фахита мешавина од зачини и сечкана лута пиперка, па и сите состојки се мешаат добро.
Садот се покрива со фолија и се остава да се маринира околу 1 час на собна температура.
Во тава се загреваат околу 3 големи лажици масло на средна температура.
Се додаваат исечканите црвени пиперки, кромидот и 1 супена лажица сол и се пржат околу 15 минути со постојано мешање. Потоа се додава лук и се пржи уште кратко.
Се додава пилешкото заедно со маринадата и се пржи додека месото добие боја и на крај се додава и пивото.
Филот се распоредува во сите тортилји и врз филот се додава околу една лажица рендан кашкавал, па се виткаат од сите страни.
Замотаните тортиљи се распоредуваат врз плех (на хартија за печење) и врз нив се додава уште рендан кашкавал.
Се става да се потпече уште околу 20 минути на 180 степени Целзиусови.

Детално упатство погледнете во видеото:

https://www.instagram.com/tv/CVnIM-GDcSL/?utm_source=ig_web_copy_link

Б. С. Б. | Црнобело